Urdu Shayari,Urdu SMS,Hindi Shayari,Hindi SMS,Urdu Sher,Shaeri SMS,Sad Shayari,Love Hindi Shayari,Romantic Poetry SMS,Urdu Ghazals,ShairoShayari SMS » Islamic Shairi

Mangu Bus Khuda Se Wo Ibadat Dede

admin — Mon, 26 Jul 2010 23:27:00 +0000

Mangu Bus Khuda Se Wo Ibadat Dede
Uske Khzane Se Thodi Si Mohabbat Dede
Ya To Wo Mujhe Umar Bhar Ka Sath Dede
Ya Uske Dar Pe Marne Ki Izazat DedeSimilar Posts:

Ye Karb Kaa Ehsaas Musalsal Mere Allah

admin — Tue, 08 Jun 2010 02:53:00 +0000

Ye Karb Kaa Ehsaas Musalsal Mere Allah
Kar Degaa Kisii Din Mujhe Paagal Mere Allah

Bikhre Hu’e Tukron Ko Sametuun Bhii Kahaan Tak
Kis Tarah Karuun Khud Ko Mukammal Mere Allah

Har Zehn Jihaalat Ke Andheron Kaa Hai Maskan
Har Haath Men Hai Ilm Kii Mash’al Mere Allah

Laashon Ke Har Ek Shah’r Men Baazaar Saje Hain
Har Mor Pe Hai Ek Nayaa Maqtal Mere Allah

Haalaat Se Huun Barsar-E-Paikaar Abhii Tak
Go Jism Men Baaqii Nahiin Kis Bal Mere Allah

Miilon Nahiin Aasaar Ko’ii Dasht-E-Yaqiin Ke
Har Simt Hain Tashkiik Ke Daldal Mere Allah

Sarmaaya-O-Asbaab Jise Chaahe Use De
“Rahi” Ko Bas Ek Sabr-O-Tavakkul Mere AllahSimilar Posts:

Allah Ko Pyaare

admin — Tue, 08 Jun 2010 02:51:25 +0000

Hamare Dil Ki Basti Bikhar Gayi Hoti,
Rooh Main Zakhm Ho Gaye Hote,
Yeh Zindagi To Aap Ki Amaanat Thi Warna,
Hum To Kab Ke Allah Ko Pyaare Ho Gaye Hote!
Similar Posts:

Agar Allah Apki Dua Qabool Kerle

admin — Tue, 08 Jun 2010 02:50:42 +0000

Agar Allah Apki Dua Qabool Kerle,
To Iska Matlab He K
Wo Apka Iman Mazboot Ker Raha He,
Agar Thori Der Se Kare To
Aap K Sabar Ko Barha Raha He
Laikin
Agar Qabool Na Kare To
Aapka Iman Azma Raha He.
Is Liye Hamen Har Hal Mein “Allah”
Per Bharosa Karna Chahiye.Similar Posts:

Allah Insaan Sey Fermata He

admin — Tue, 08 Jun 2010 02:50:06 +0000

Allah Insaan Sey Fermata Hey…….

Meri Teraf A Ker To Dekh
Mutawjah Na Hoon To Kehna

Meri Rah Main Chal K To Dekh
Rahain Na Khool Doo To Kehna

Mujh Sey Sawal Ker K Dekh
Bakhshish Ki Had Na Ker Doon To Kehna

Meray Liye Beyqader Ho K To Dekh
Qader Ki Had Na Ker Doon To Kehna

Meray Liye Lut K To Dekh
Rehmat K Khazaney Na Luta Doon To Kehna

Meray Liye Bik K To Dekh
Anmool Na Ker Doo To Kehna

Mujhey Rab Maan K To Dekh
Sab Sey Beyniyaaz Na Kerdoo To Kehna

Meray Khuaf Sey Ansoo Baha K To Dekh
Maghfirat K Darya Na Bahadoon To Kehna

Wafa Ki Laaj Nibha K To Dekh
Ata Ki Had Na Kerdoon To Kehna

Meray Naam Ki Tazem Ker K To Dekh
Hakim-E-Takreem Ki Inteha Na Ker Do To Kehna

Apni Hasti Ko Fana Ker K To Dekh
Jam-E-Baqa Sey Serfaraze Na Kerdoo To Kehna

Mujhey Hayyul Qayoom Maan K To Dekh
Abdi Hayat Ka Ameen Na Banadoon To Kehna

Mera Ho K To Dekh
Her Kisi Ko Tera Na Bana Doon To Kehna
Similar Posts: